မြန်မာ့လွှတ်တော်ကို ကိန်းဂဏန်းအခြေပြု ချဉ်းကပ်လေ့လာချက်
(ပထမအကြိမ်မှ ဆဋ္ဌမအကြိမ်ထိ ပုံမှန်အစည်းအဝေးများအတွင်း မေးခွန်းများလေ့လာချက်)

ပွင့်လင်းမြန်မာ့ရှေ့ဆောင်၊ လွှတ်တော်စောင့်ကြည့်လေ့လာရေး အစီအစဉ်၏ အစီရင်ခံစာ အမှတ်(၁) တွင် ပထမအကြိမ် ပြည်သူ႔လွှတ်တော်၊ အမျိုးသားလွှတ်တော်နှင့် ပြည်ထောင်စုလွှတ်တော်တို႔၏ ပထမပုံမှန် အစည်းအဝေးမှ ဆဋ္ဌမပုံမှန်အစည်းအဝေးထိ မေးမြန်းခဲ့သော ကြယ်ပွင့်ပြမေးခွန်များနှင့် ပတ်သက်သည့် အချက်အလက်များကို   ကိန်းဂဏန်းအခြေပြု လေ့လာဆန်းစစ်ထားပါသည်။ ပုံမှတ်အစည်းအဝေး ခြောက်ကြိမ်အတွက် လွှတ်တော်အစည်းအဝေးရက်စုစုပေါင်း (၁၇၃) ရက်ကျင်းပခဲ့သည့် ပြည်သူ့လွှတ်တော်တွင် မေးခွန်းမေးမြန်း သူ (၂၃၈) ဦးရှိခဲ့ပြီး၊ လွှတ်တော်အစည်းအဝေးရက် ၁၆၉  ရက်ကျင်းပခဲ့သည် အမျိုးသားလွှတ်တော်တွင် မေးခွန်းမေးမြန်းသူ (၁၃၅) ဦးရှိသည်။ မေးခွန်းမေးမြန်းခြင်းမရှိသည့် ရွေးကောက်ခံ ပြည်သူ့လွှတ်တော်ကိုယ်စားလှယ် (၁၂၅) ဦးရှိပြီး၊ အလားတူ ရွေးကောက်ခံ အမျိုးသားလွှတ်တော်ကိုယ်စားလှယ် (၄၀) ဦးရှိသည်။  ပြည်သူ့လွှတ်တော်ကိုယ်စားလှယ်များ အဓိကမေးမြန်းသည့် အကြောင်းအရာ/ကဏ္ဍများမှာ အခြေခံအဆောက်အအုံ၊ အုပ်ချုပ်ရေး၊ ပညာရေးနှင့် သက်ဆိုင်သော မေးခွန်းများဖြစ်ကြပြီး၊ အမျိုးသားလွှတ်တော်ကိုယ်စားလှယ်များ အဓိမေးမြန်းကြသည့် အကြောင်းအရာ/ကဏ္ဍများမှာ အခြေခံ အဆောက်အအုံ၊ ကျန်းမာရေးနှင့် အုပ်ချုပ်ရေးတို႔နှင့် သက်ဆိုင်သော မေးခွန်းများဖြစ်သည်။ ပြည်သူ့လွှတ်တော်ကိုယ်စားလှယ်များ၏ မေးခွန်းအများစုသည် အစိုးရကို ထိန်းကျောင်းရန်ရည်ရွယ်ကြောင်း တွေ့ရပြီး၊ အမျိုးသားလွှတ်တော် ကိုယ်စားလှယ်များ၏ မေးခွန်းအများစုမှာ မဲဆန္ဒရှင်များအား ကိုယ်စားပြုမှုအတွက် အဓိကထား၍ မေးမြန်ကြကြောင်းတွေ့ရသည်။